Papa Françesku është shprehur se bota pret masa konkrete për priftërinjtë që janë vërtetetuar se kanë abuzuar me fëmijë. Në samitin për të diskutuar skandalet që kanë tronditur kishën katolike Papa u shpreh:
“E qara e fëmijëve kërkon drejtësi”. Gjithashtu është theksuar nevoja për hartimin e protokolleve të reja për të siguruar mbrojtjen e të vegjëlve.
Detaje të shumta nga abuzimet seksuale kanë dalë në pah kudo nëpër botë dhe Kisha është akuzuar se po i mbron këto krime. Samiti i papritur 4-ditor, i cili po zhvillohet në Vatikan po ndiqet nga peshkopët e lartë të më shumë se 130 shteteve.
Sipas Papa Françeskut konferenca e quajtur “Mbrojtja e të miturve në Kishë” është vetëm fillimi për masat që do të ndërmerren. Papa 82-vjeçar është në presion serioz për të treguar lidershipin si dhe për të gjeneruar zgjidhje efektive për atë që është kriza më e madhe, me të cilën po përballet Kisha e ditëve moderne.
“Njerëzit që besojnë në Zot na shohin dhe presin nga ne jo dënime të thjeshta, por masa konkrete dhe efektive për t’u realizuar. Konkretizimi është mëse i nevojshëm,”-mësohet të jetë shprehur Papa.
“I kërkoj Shpirtit të Shenjë të na ndihmojë në këto ditë dhe gjithashtu që t’a shndërrojë këtë ligësi në një mundësi për ndërgjegjësim dhe purifikim. Virgjëresha Mari na ndriçoftë që të përpiqemi të shërojmë plagët e thella që skandali i pedofilisë ka shkaktuar tek fëmijët dhe besimtarët tanë,”-ka theksuar Papa Françeksu./Xh.K/Opinion.al/
