Bota

Papa Françesku apel të fortë për ngrohjen globale: Jemi në emergjencë


               Publikuar në : 08:24 - 15/06/19 |
Al Do

Papa Françesku e ka quajtur ngrohjen klimatike një “emergjencë globale”, duke paralajmëruar për rreziqet e ngrohjes dhe se një dështojmë për të vepruar urgjentisht për të ulur gazrat serë ky do të ishte “një akt brutal i padrejtë ndaj të varfërve dhe brezave të ardhshëm”.

“Brezat e ardhshëm do të jetojnë për të trashëguar një botë të shkatërruar. Fëmijët dhe nipërit tanë nuk duhet të paguajnë koston e papërgjegjshmërisë së gjeneratës sonë,” tha ai, në fjalën e tij më të fuqishme dhe më të drejtpërdrejtë në lidhje me krizën klimatike. “Në të vërtetë, siç po bëhet gjithnjë e më e qartë, të rinjtë po bëjnë thirrje për një ndryshim”.

Thirrja e fuqishme e Papës erdhi, pasi ai u takua me udhëheqësit e disa prej kompanive më të mëdha ndërkombëtare të naftës në Vatikan të premten për ti ndërgjegjësuar ata mbi ta urgjencën, sfidën, dhe rolin e tyre qendror në trajtimin e krizës së emetimeve të gazeve të dëmshëm. Një takim të ngjashëm Papa e kishte bërë vitin e kaluar, por këtë herë qëndrimi i tij ishte më i ashpër ndërsa paralajmëroi se koha po mbaronte dhe u kërkoi atyre të dëgjonin “thirrjet gjithnjë e më të dëshpëruara të tokës dhe të varfërve të saj”.

Shefat kryesorë të BP, ExxonMobil, Shell, Total, ConocoPhilips, Chevron dhe disa investitorë të mëdhenj, përfshirë BlackRock dhe Hermes, u përgjigjën duke u bërë thirrje qeverive të rrisnin çmimet e lëndëve që emetojnë CO2 për të inkurajuar inovacionin dhe gjithashtu bën thirrje për transparencë më të madhe financiare për të ndihmuar investitorët. Megjithatë, ata nuk bënë premtime për të reduktuar emetimet e gazrave të tyre, dhe nuk vendosën ndonjë afat kohor për veprim. /Opinion.al

Pas