Ish-kreu i selisë së shenjtë në Vatikan, Papa Benedikti, ka shkruar në kujtimet e tij se askush nuk ka bërë presion mbi të që ta shtyjë deri në vendimin e tij për dorëheqje, por pretendon se ishte një “lob homoseksualësh” në Vatikan, të cilët u përpoqën të kenë ndikim mbi të, shkruan sot “Corriere della Sera”.
Në librin “Bisedat e fundit” që pritet të publikohet në shtator, Benedikti shkruan se katër ose pesë persona të përbërë nga një “lob homoseksual”, kërkonte pushtet mbi vendimet e Vatikanit, raporton mapo.
Në vitin 2013, Benedikti u bë Papa i parë që pas 6 shekujsh dha dorëheqje, sipas tij, për arsye shëndetësore.
Ai premtoi se do të mbetet “i fshehur në botë” dhe tani raportohet se jeton në një ish manastir të kopshteve të Vatikanit.
