Pedagogia Enriketa Papa, eksperte pranë Partisë Demokratike ka ngritur disa problematika lidhur me hapjen e shkollave në vend, gjë që sipas saj e bën të vështirë aplikimin e protokollit sanitar.
“Problemi kryesor për mua në parim është që nuk u diskutua me komunitetin e prindërve nëse duhej apo shkolla apo jo. Këshillat e prindërve ekzistojnë, por jo të gjithë prindërve u është marr mendimi. Përsa i përket infrastrukturës, duket sikur realiteti është vetëm Tirana. Problematikat në sistemin infrastrukturor në të gjithë republikën janë të mëdha. Sistemi hidro-sanitar është me probleme, gati 70% e shkollave nuk janë me ujë të pijshëm. Barra që u ngarkohet prindërve duhet marr në konsideratë. Flasim për rroga shumë të ulëta dhe prindërit ngarkohen me kosto shtesë”, tha Papa duke folur për kostot për blerjen e maskave apo alkoolit nga prindërit.
Gjithashtu, specialistja pranë PD-së, tha se prindërit duhe ttë informohen mbi infrastrukturën dhe masat e brendshme që janë marr në shkollë.
“Një aspekt tjetër është mosvënia në dijeni e prindërve të infrastrukturës së brendshme të shkollës. Të shpërndahet një informacion mbi masat konkrete që janë marr në shkollë”, tha Papa./Opinion.al
