Prej datës 7 janar kur duhej të riniste mësimi në gjithë universitetet e vendit, studentët janë shfaqur të dyzuar. Kështu në disa fakultete vazhdon bojkoti ndërsa në disa të tjera po zhvillohet mësim.
Rezisteca është më e fortë në dy fakultetet më të mëdha të Universitetit të Tiranës, fakulteti i Drejtësisë dhe Ekonomiku. Aty studentët janë të ngujuar dhe kanë bllokuar hyrjet përkatëse të fakulteteve me banka. Javën e kaluar policia tentoi ti pengojë, por aktualisht situata është e qetë. Pra nuk ka ndërhyrje policore.
Opinion.al u interesua dhe mësoi se sot (15 janar) nuk zhvillohet mësim në:
Fakultetin e Drejtësisë (UT)
Fakultetin e Ekonomisë (UT)
Fakultetin e Shkencave Sociale (UT)
Fakultetin e Historisë dhe Filologjisë (UT)
Zhvillohet mësim pjesërisht në Fakultetin e Shkencave të Natyrës dhe në fakultetin e Gjuhëve të Huaja.
Ndërsa në Universitetin Politeknik të Tiranës bojkoti është total. Asnjë fakultet nuk zhvillon mësim. Ndërsa rezistenca më e fortë bëhet tek Inxhnieria e Ndërtimit dhe Arkitektuara, ku shumë studentë qendrojnë të ngujuar prej disa ditësh dhe kanë zaptuar hollin e fakultetit.
Ndërsa tek Universiteti i Mjekësisë zhvillohet mësim në pjesën dërrmuese. Kështu, tek Stomatologjia dhe Infermieria mësimi vijon normalisht, ndërsa tek fakulteti i Mjekësisë së Përgjithshme një pjesë e studenteve bojkotojnë dhe një pjesë shkojnë në auditore.
/Opinion.al
Foto 1: Shkencat Sociale
Foto 2: Filologjiku
Foto 3: Gjuhet e Huaja
