Dy jahte garash prej 19 metrash kanë raportuar se janë sulmuar nga orka gjatë pjesës së fundit të Garës së Oqeanit pranë ngushticës së Gjibraltarit.
Ekipi JAJO i Holandës dhe Mirpuri Trifork Racing i Portugalisë raportuan se balenat vrasëse i kanë sulmuar në Race Control rreth orës 15:00 të enjten.
Pavarësisht se orkat u përplasën me varkën duke shtyrë dhe kafshuar timonët, nuk pati lëndime apo dëmtime në varkat.
Ekipi holandez e filmoi sulmin si në kuvertë ashtu edhe nën ujë me një kamerë 360.
Dyshja e orkave mund të shihen duke nxituar drejt varkës dhe nganjëherë duke u përpjekur të ndërhyjnë nën ujë.
Anëtarët e ekuipazhit mund të dëgjohen duke përplasur varkën në një përpjekje për të larguar orkën.
Kapiteni i skuadrës JAJO, Jelmer van Beek tha se ishte mbresëlënëse të shihje orkatë, por edhe e rrezikshme për skuadrën që ai thotë se reagoi “me të vërtetë mirë”.
“Ne zbritëm velat dhe ngadalësuam varkën sa më shpejt që të ishte e mundur. Për fat pas disa sulmeve, ata u larguan”, tha ai.
Zona përreth Gjibraltarit po bëhet famëkeqe për ‘sulmet e orkave’ në varka, ku një individ ose grup orkash përplasin vazhdimisht bykun ose timonët e një varke.
Siç raportohet, të paktën tre varka janë dëmtuar deri më sot nga sulmet e bëra.
Bashkëthemeluesi i shpëtimit të balenave Jo Halliday tha për 1Neës se kafshët që shihen në video nga Gjibraltari ka të ngjarë të jenë orka të mitur.
Nuk është plotësisht e qartë se çfarë po i bën kafshët të synojnë jahtet dhe varkat; megjithatë, ekspertët kanë spekuluar se mund të jetë hakmarrje për incidentet e mëparshme ku kafshët janë lënduar nga anijet.
Jo beson se është një kujtesë e rëndësishme që njerëzit po cenojnë habitatin e tyre natyror dhe duhet të respektojnë hapësirën e tyre./Opinion.al
