Zelanda e Re nuk do t’i hapë kufijtë me pjesën tjetër të botës, për një kohë të gjatë.
Lajmi u bë publik nga kryeministrja, Jacinda Ardern, e cila e njoftoi vendimin pasi mori pjesë në mbledhjen e kabinetit qeveritar të Australisë, përmes një video-konference.
“Ne nuk do të kemi kufij të hapur për pjesën tjetër të botës për një kohë të gjatë”, deklaroi Ardern.
Turizmi është një nga industritë më të mëdha të Zelandës së Re, që punëson gati 10% të fuqisë punëtore të vendit dhe kontribuon pothuajse në 6% të bruto prodhimit të brendshëm.
Shumica e vizitorëve janë nga Australia, nga Kina, Shtetet e Bashkuara dhe Mbretëria e Bashkuar.
Kufijtë janë mbyllur për të frenuar përhapjen e koronavirusit. Zelanda e Re ka më pak se 1,500 raste të konfirmuara me koronavirus dhe 20 viktima dhe javën e kaluar, ka lehtësuar disa masa të izolimit./Opinion.al
