Spanja vijon përmirësimin në luftën me pandeminë e koronavirusit.
Kështu vendi iberik, në 24 orët e fundit ka regjistruar 185 humbje jete, duke shënuar ditën e tretë me më pak se 200 viktima në vend.
Autoritetet shëndetësore njoftuan se rastet e reja të infeksionit po ashtu ranë nën shifrat e 1200.
Deri në këto momente në Spanjë kanë humbur betejën me pandeminë 25, 613 persona ndërkohë që 218 mijë të tjerë kanë rezultuar pozitivë ndaj koronavirusit të ri.
Përmirësimit të situatës, qeveria iu përgjigj me lehtësimin e masave. Vendi iberik ka hyrë në fazën e parë të planit prej 4 fazash për rihapjen e jetës ekonomike e sociale./Opinion.al
