InstaBIZ

Pandemia nuk i varfëroi të gjithë, Jeff Bezos vendos rekord të ri pasurie


Bëhu pjesë e Grupit Zyrtar të Opinion.al
>> KËTU <<
               Publikuar në : 20:23 - 02/07/20 |
Al Do

Kriza ekonomia e thellë ka përfshirë globin, por “portofoli” i Jeff Bezos nuk duket se tregon këtë gjë. Pasuria e tij ka arritur në 172 miliardë dollarë, një rekord i ri për personin më të pasur në botë, sipas Indeksit të Bloomberg Billionaire.

Bezos këtë javë e tejkaloi rekordin e tij të mëparshëm të pasurisë që ai arriti përpara divorcit nga ish-gruaja e tij MacKenzie. Vitin e kaluar, çifti u divorcua pas 25 vitesh martese. Ajo mori 25% të aksioneve të Amazon, që është afërsisht 4% e aksioneve në kompani.

Pasuria e MacKenzie gjithashtu shënoi një rekord. Ajo tani vlen 57 miliardë dollarë, duke e bërë atë personin e 12-të më të pasur në botë. Pasuria e saj u rrit me 54% nga viti më parë, ose një rritje prej afro 20 miliardë dollarë, sipas Bloomberg.

Pjesa më e madhe e pasurisë së Bezos është e lidhur me Amazon. Ai zotëron afërsisht 57 milion aksione, ose 12% të kompanisë. Aksionet e saj janë rritur 56% nga viti më parë.

Amazon ka përfituar nga një rritje e madhe e blerjeve në internet gjatë pandemisë së koronavirusit.

Kompania e Bezos, e cila është përballur me kritika për sigurinë e punonjësve dhe pagën, njoftoi këtë javë se dha më shumë se 500 milion dollarë si një “bonus falenderimi” për punëtorët e vijës së parë që ishin me kompaninë gjatë gjithë muajit qershor.

Ky veprim vjen pasi kompania hoqi rritjen pagave prej 2 dollarësh në orë dhe dyfishimin e vlerës së orëve shtesë. Gjatë situatës së pandemisë Amazon u përball me një fluks të shtuar pune. Ata i ofruan punëtorëve një rritje rroge me 2 dollarë më shumë për orë dhe dyfishuan pagesën për orët shtesë. Megjithatë këto masa u pezulluan në fund të Majit pasi ishte thënë se do të ishin të përkohshme. /Opinion.al

Pas