Gjatë 24 orëve të fundit, Maqedonia e Veriut ka regjistruar dhjetë viktima nga COVID-19, si dhe 96 raste të reja pozitive.
Katër nga viktimat janë nga Shkupi, dy nga Kumanova dhe nga një në qytetet e Tetovës, Gostivarit, Kërçovës dhe Shtipit. Sipas Ministrisë së Shëndetësisë, ata janë të moshës mbi 60 vjeç, dhe kishin edhe sëmundje të tjera kronike.
Numri i përgjithshëm viktimave nga COVID-19 në Maqedoninë e Veriut ka arritur tani në 432 teksa janë konfirmuar gjithsej 9249 raste pozitive me koronavirus, nga 86,543 teste të bëra.
Instituti i Shëndetit Publik në Maqedoninë e Veriut të hënën ka regjistruar 61 persona të shëruar, me të cilët numri i përgjithshëm i atyre që kanë fituar betejën me koronavirus arrin në 4,871./Opinion.al
