Nëntë persona me koronavirus kanë humbur jetën gjatë 24 orëve të fundit në Maqedoninë e Veriut, duke e çuar numrin e përgjithshëm të viktimave ne vend, që në nisje të pandemisë, në 277.
Sipas njoftimit të Ministrisë se Shëndetësisë, 7 viktima janë nga Shkupi, 1 nga Struga dhe 1 nga Tetova.
Ministria e Shëndetësisë ka njoftuar se janë regjstruar edhe 176 infektime të reja nga 870 testime të kryera në qytete të ndryshme të këtij vendi.
Sa i përket të infektuarve, 61 raste janë nga Shkupi, që mbetet edhe qyteti me numrin më të madh të të infektuarve në Maqedoninë e Veriut./Opinion.al
