Shifrat e koronavirusit vijojnë të jenë tejet alarmante në Maqedoninë e Veriut. Autoritetet shëndetësore raportuan për 7 viktima nga Covid-19, duke e çuar në 341 numrin total të humbjeve të jetëve nga pandemia.
Po ashtu, gjatë 24 orëve të fundit, në Maqedoninë e Veriut rezultuan pozitivë 115 persona, nga 1,032 teste të kryera.
Ndërkohë, gjatë 24 orëve të fundit janë shëruar 40 persona. Numri i persona aktiv të prekur me Covid-19 në Maqedoninë e Veriut është 3678.
Fatkeqësisht mes viktimave nga pandemia, ishte dhe një mjek nga Tetova.
“Mjeku Deari, i cili kishte vetëm edhe disa muaj deri në pension, është mjeku i parë që ka vdekur nga komplikimet e ka shkaktuara koronavirusi. Shpreh keqardhjen time të thellë për familjen e tij”, thuhet në reagimin e Ministrit të Shëndetësisë, Venko Filipçe.
Që nga fillimi i pandemisë, në Maqedoninë e Veriut me koronavirus janë infektuar 540 mjekë apo 9 për qind e të gjithë të infektuarve me koronavirus./Opinion.al
