Instituti Kombëtar i Shëndetësisë Publike në Kosovë ka bërë me dije se 7 pacientë me koronavirus kanë vdekur dhe janë regjistruar 337 raste të reja në 24 orët e fundit.
Sipas raportit të IKSHPK-së, rastet e reja janë rezultat i 1,318 tamponëve të kryer.
Po në 24 orët e fundit, 91 pacientë janë shëruar nga COVID-19.
Prej fillimit të pandemisë deri më sot Kosova regjistron 20,179 raste me koronavirus. Prej tyre, 688 pacientë kanë vdekur dhe 15,611 janë shëruar. Vijojnë të jenë aktive 3,880 raste./ Opinion.al
