Instituti Kombëtar i Shëndetësisë Publike në Kosovë (IKSHPK) njoftoi të martën se 1 person ka humbur jetën nga koronavirusi.
Po ashtu, sipas IKSHPK-së, gjatë 24 orëve të fundit janë regjistruar 71 raste të reja me Covid-19.
Në raportin e IKSHPK-së thuhet se edhe 199 pacientë janë shëruar, ndërkaq numri i rasteve aktive është 2,378.
Që nga fillimi i pandemisë së COVID-19, në muajin mars, në Kosovë janë infektuar gjithsej 14,763 persona, nga të cilët 601 nuk e kanë mposhtur dot virusin./Opinion.al
