Kryeqyteti italian, Roma, nuk i ngjason aspak asaj që jemi mësuar të shohim gjatë një sezoni të zakonshëm veror.
Në këtë periudhë të vitit, qyteti duhej të ishte tejmbushur nga turistët, hotelet do të ishin të gjitha të prenotuara dhe restorantet plot me njerëz. por shpresa për një rimëkëmbje të shpejtë të turizmit po zbehet gjithnjë e më shumë.
Amfiteatri antik i Koloseut u rihap për publikun më 18 maj me rregulla të reja strikte të distancimit social dhe higjienës, duke lejuar vetëm një numër të kufizuar vizitorësh, vetëm përmes prenotimeve online.
Në “Via Veneto”, rruga ku u xhirua klasiku i Federicco Felinit, “La dolce vita”, hotelet luksoze si rrallëherë ishin të mbyllura, ndërsa më pare mbusheshin me turistë që kërkonin të përvetësonin pak nga filmi që ndryshoi historinë e kinemasë.
Monumenti ikonë i “Fontana dei Trevi” ka rifituar pak nga gjallëria e humbur gjatë periudhës së izolimit, me një numër turistësh që përfitojnë nga rasti të bëjnë foto pa turmat e mëdha në sfond./Opinion.al
