Një nga shtëpitë publike më të mëdha të Evropës ka shpallur falimentin, pasi u godit nga masat anti-koronavirus të Gjermanisë.
Shtëpia publike “Pascha” me 10 kate ndodhet në qytetin e Këlnit.
“Jemi në fund” tha drejtori i saj Armin Lobscheid, gazetës lokale Express.
Prostitucioni është jashtëligjshëm në shtetin e Nordrhein-Westfalen që nga shpërthimi i virusit.
Rreth 120 punonjëse seksi punojnë zakonisht tek Pascha. Stafi ka edhe 60 punonjws tw tjerw qw nga kuzhinierët dhe parukieret.
Lobscheid kritikoi trajtimin e pandemisë nga autoritetet gjermane – veçanërisht aftësinë e tyre për të qenë të qartë kur biznesi do të lejohej të rifillonte.
“Ne nuk mund të planifikojmë ashtu. Ne mund të ishim në gjendje të shmangnim falimentimin nëse do të na ishte premtuar se gjërat mund të fillojnë përsëri në fillim të vitit të ardhshëm,” tha ai.
Në vitin 2006, Pascha u bë e njohur mediatikisht kur një grup personash të fesë myslimane kërcënuan me dhunë pasi një reklamë në anën e bordellos që tregonte flamuj të 32 vendeve në Kupën Botërore të atij viti, përfshinte edhe Iranin dhe Arabinë Saudite. Flamujtë ishin vendosur pranë një gruaje gjysmë të zhveshur.
Disa grupe kanë ngritur shqetësime se mbyllja e bordellove ligjore mund të vërë punonjëset e seksit në rrezik më të madh pasi janë të detyruar të punojnë ilegalisht./ Opinion.al
