Greqia pret që ekonomia e saj, gjatë këtij viti të tkurret nga 5 deri në 10 për qind, si rezultat i kufizimeve të vendosura, për të parandaluar përhapjen e koronavirusit.
“Duket se (ekonomia do të tkurret) në një interval ndërmjet 5 dhe 10 për qind”, deklaroi ministri grek i Financave, Christos Staikouras, gjatë një daljeje televizive.
Greqia ka shtyrë deri më 4 maj masat izoluese dhe pritet që të lehtësojë masat gradualisht pas kësaj date.
Sipas të dhënave të Universitetit Johns Hopkins, në Greqi regjistrohen 13o viktima, dhe mbi 2,400 persona të infektuar me COVID-19./Opinion.al
