Austria nuk do të lejojë shtetasit nga vendet e Ballkanit Perëndimor të hyjnë në vend pa karantinë.
Banorëve të Shqipërisë, Kosovës, Malit të Zi, Serbisë, Maqedonisë së Veriut dhe Bosnje e Hercegovinës iu kërkohet të vetizolohen për 14 ditë, kur të futen në Austri, ose duhet të tregojnë një test negativ të koronavirusit.
Lajmin e bëri publik Ministria e Punëve të Jashtme austriake.
“Ne po reagojmë në bazë të rrethanave, jo vetëm situatës në ato vende, por edhe faktit që ne shohim, për shembull në vendet tona fqinje Kroaci dhe Slloveni, një rritje në grupimet e njerëzve që kthehen nga udhëtimi në Ballkanin Perëndimor”, tha ministri Schallenberg në një konferencë për shtyp.
Numri i të infektuarve është rritur ndjeshëm gjatë muajit të kaluar në Ballkanin Perëndimor, megjithëse rajoni në përgjithësi ka pasur norma më të ulëta se shumica e Evropës perëndimore.
Ky vendim i Austrisë për Ballkanin Perëndimor vjen në momentin kur Bashkimi Europian po këshillon hapjen e kufijve dhe rilejimin e udhëtimeve. Po ashtu, vendimi bie ndesh me rekomanimin e BE-së për të lejuar udhëtimin e serbëve dhe malazezë në vendet e BE-së./Opinion.al
