Kryeministri Edi Rama ditën e nesërme do të jetë në Athinë, ku do të marrë pjesë në Panairin e Punës, me shqiptarët që jetojnë dhe punojnë në Greqi.
Përmes një video të publikuar në rrjete sociale, Rama ka ndarë momente nga përgatitja e skenës në Technopolis, Athinë.
“Athinë – “Puno dhe jeto aty ku ke zemrën” nesër, në Technopolis, Athine (Gazi), Pireos 100, gjatë gjithë ditës”, shkruan Rama krahas videos.
Më herët Rama deklaroi se do tu bëjë thirrje shqiptarëve që të kthehen në atdhe dhe të punojnë me kontrata pune, rroga dinjitoze dhe taksa më të ulëta.
Ai tha se në këtë panair do të takohen me sipërmarrës të fushave të ndryshme për tu njohur me mundësinë dhe kushtet e kontratat e punës në Shqipëri.
