I dyshuari si një ekstremist islamik i cili vrau 50 persona pasi morri peng festuesit në një klub për gay në Orlando të SHBA-ve është identifikuar.
Burimet policore e kanë identifikuar atentatorin, i cili mbante një pushkë sulmuese AR-15 si dhe një armë dore, si qytetarin amerikan Omar Mateen, nga Port St. Lucie në Florida.
Atentatori, i cili është fëmija i dy prindërve afganë, mbante një send të çuditshëm, ndoshta një rrip vetëvrasës, kur hapi zjarr në pistën e kërcimit brenda lokalit Pulse rreth oërs 2 të natës me orën lokale.
Të paktën 50 persona kanë mbetur të vdekur ndërsa 53 të tjerë janë plagosur gjatë të shtënave vdekjeprurëse kundër turmës.
Një zëdhënës i FBI tha se të shtënat masive po hetohen si akt terrorizmi, duke shtuar se ata po shohin nëse bëhet fjalë për terrorizëm të brendshëm apo ndërkombëtar, dhe nëse atentatori ishte një ujk vetmitar.
Policia tha se atentatori, i cili u qëllua për vdekje nga policia, besohet se ishte në të 20-tat, ndërkohë që FBI beson se mund të ketë patur “lidhje me terrorizmin islamik radikal”.
