Vetëm pak minuta më parë një ngjarje e rëndë ka ndodhur në zonën e Golemit, kur një makinë ka përplasur një këmbësor, teksa ai përpiqej të kalonte rrugën, i shoqëruar nga i vëllai.
Por ndërsa djali luftonte me jetën pas plagëve të marra në kokë dhe askush nga kalimtarët nuk arrinte ta ndihmonte, duket se ambulanca që duhej të ishte e pranishme për t’i dhënë ndihmën e parë, nuk duket gjëkundi.
Ngjarja është denoncuar në faqen e Jeta Osh Qef nga një qytetar, i cili sjell edhe videon më poshtë:
Jeta osh qef Kam nje video te sapondodhur te nje aksidenti ku esht nje burr i shtrir ne tok dhe i gjakosur gati duke dhen shpirt po ambulanca nuk duket Kund. Esht ber ne golem Miraxh. Kishte mbi 20 minuta i shtrire ashtu gati duke dhen shpirt. Ambulanca nuk dukej gje kundi dhe policia erdhi shum vone. Ishte me te vellain, e ka perplasur makina. E kishin marre te tjeret por nuk kishte ardh ambulanca, Dhe policia erdhi shum me vonese. Sic thot ne video njeri mga policet: “Skemi cti bejme”.
Sipas raportuesit, i plagosuri kishte të paktën 20 minuta i shtrirë në tokë, por ambulanca, si gjithmonë nuk mbërrin. Është një makinë policie që mbërrin në vendngjarje dhe vetë polici që i jep ndihmën të plagosurit. Ky i fundit merret në krahë nga të pranishmit për t’u futur në makinë e më pas për t’u transportuar në spital, siç duket në videon e mëposhtme, shkruan Jeta Osh Qef.
Pamjet e mëposhtme janë shumë të rënda, por Jetaoshqef.al vendosi t’i publikojë për të dëshmuar edhe njëherë gjendjen skandaloze të shëndetësisë në Shqipëri, ku fatkeqësisht qytetarët mund të humbasin jetën duke pritur ambulancën, siç ndodhi dje në Durrës. Nëse në vend të këtij djali, i cili po lufton me jetën, do të ishte një nga të afërmit e ministrit Beqaj, vallë sa do të vononte ambulanca? Apo të themi më mirë, sa do të vononte helikopteri? As 3 minuta!
E vetmja gjë që mund të bëjmë është të shpresojmë që i plagosuri ka shpëtuar dhe është jashtë rrezikut për jetën.
