Tre persona mbetën të plagosur nga të shtënat me armë të regjistruar në orët e mesditës së sotme në qendër të qytetit të Shkodrës.
Burime nga vendi i ngjarjes bëjnë me dije se në sheshin “Demokracia” ka pasur shkëmbim zjarri mes dy grupeve nga automjetet me të cilat lëviznin në zonën e populluar.
Si pasojë e tyre kanë mbetur të plagosur dy burra kalimtare te rastit dhe një vajzë e re që dyshohet te kete qene objektiv i atentatit.
Të plagosurit janë transportuar me urgjencë drejt spitalit të Shkodrës.
Burimet nga policia tregojnë se është qëlluar mbi 6 herë me armë pistoletë.
Policia ka rrethuar zonën dhe ka ngritur postoblloqe në dy rrugët dalëse për kapjen e autorëve.
Në zonën ku ndodhi ngjarja ka objekte të shumta dhe kamera sigurie, pamjet e të cilave pritet ti japin një dorë policisë në zbardhjen e ngjarjes.
