Nju Jorku është përfshirë nga protesta masive, vetëm disa orë pas publikimit të një video të rëndë.
Në të shihet qartë një 41-vjeçar me ngjyrë, të cilit polici, përveç prangave, i vendos edhe një kapuç në kokë. Më pas, efektivi i vendos gjurin në qafë, duke i shkaktuar vdekjen nga asfiksia.
Ngjarja tragjike ku gjeti vdekjen, Daniel Prude, është regjistruar në 23 mars, disa javë përpara vdekjes së George Floyd në Minesota, incident që shkaktoi protesta në të gjithë SHBA-në.
“Telefonova policinë që të ndihmonte vëllanë tim, jo që ta linçonte. Në video shihet një person krejtësisht i zhveshur, i ulur në tokë. Duket qartë që nuk është i rrezikshëm, edhe për faktin se është i prangosur. Sa të tjerë duhet të vdesin që shoqëria jonë të kuptojë që kjo gjë duhet të ndalojë?”, tha i vëllai i Daniel, Joe Prude. /Opinion.al
