Vendimi i Presidentit Trump për të tërhequr trupat amerikane nga veriu i Sirisë rrezikon të shkaktojë një katastrofë njerëzore pas sulmit që Turqi ndërmori javën e shkuar.
Në një video të publikuar nga Nju Jork Tajms, ilustrohet më së miri frika se genocidi dhe një ringjallja e ISIS mund të jenë pasojat e këtij vendimi.
Në video tregohen luftëtarë sirianë të mbështetur nga Turqia që ekzekutojnë dy robër lufte kurdë të cilëve i kanë lidhur duart.
Vrasja e dy robërve kurdë nga luftëtarët arabë përbën një krim lufte dhe është një tregues i urrejtjeve etnike të ndezura që rrjedhin në vazhdën e tërheqjes së forcave amerikane të presidentit Trump në zonë. Kjo lëvizje i hapi rrugën për një ofensivë ushtarake Turqisë në zonën veriore kufitare të Sirisë që synonte çrrënjosjen e milicisë së udhëhequr nga kurdët që kishte qenë forca kryesore tokësore e aleatëve amerikanë që ndihmonin në luftën ndaj Shtetit Islamik.
Lufta e re ka shpërngulur të paktën 100,000 njerëz dhe kanë ndezur frikën se dhjetëra mijëra luftëtarë të ISIS dhe të afërmit e tyre të mbajtur nga kurdët mund të shpëtojnë nga kampet dhe burgjet e tyre. /Opinion.al
