Një ngjarje e rëndë raportohet të ketë ndodhur në Dobraç të Shkodrës. Dy persona kanë mbetur të vdekur dhe dy të tjerë të plagosur si pasojë e të shtënave me armë.
Deri më tani nuk dihen motivet e kësaj ngjarje. Drejt skenës së krimit, në zonën e njohur si ish-SMT, ndodhet policia, e cila ka nisur menjëherë hetimet.
Siç duket nga pamjet e siguruara nga Klan News, në trotuar shihet i shtrirë një trup i pajetë. Ndërkohë duket se plumbat janë qëlluar drejt një “Benz”-i, i cili është përplasur më pas me një mur. Megjithatë dinamika e kësaj masakre është ende e paqartë.
Aktualisht si viktimat dhe të plagosurit mbeten të paidentifikuar. Po njësoj edhe autorët që kanë qëlluar me armë.
