Shtatë persona janë arrestuar gjatë kontrolleve që ka bërë policia përgjatë gjithë natës, pas sulmit në Westminster që la 4 të vdekur dhe dhjetera të plagosur. Shtatë nga të plagosurit janë ende në spital në gjendje kritike.
Në sulmin të mërkurën, një person shtypi me makinë këmbësorët pastaj qëlloi për vdekje me thikë një polic në ambientet e parlamentit.
Besohet se sulmuesi ka vepruar i vetëm dhe ishte i frymëzuar nga terrorizmi ndërkombëtar.
“Për të qenë i qartë, në këtë fazë ne nuk kemi asnjë informacion specifik në lidhje me kërcënimet e mëtejshme për publikun”, tha zëdhënësi i policisë.
