Një tërmet i fortë ra në Osaka të Japonisë duke vrarë të paktën tre vetë, mes tyre një fëmijë dhe duke plagosur më shumë se 200 vetë.
Aeroportet u mbyllën për disa orë, linjat e trenave u ndërprenë dhe fabrikat ndaluan prodhimin.
Tërmeti me magnitudë 6.1 ra në një zonë të prirur për tërmete dhe përbën rreth 20% të tërmeteve në mbarë botën me magnitudë 6.0 ose më shumë.
Tërmeti i së hënës në Osaka ndodhi pak para orës 08:00 në veri të qytetit, tha agjencia meteorologjike.
Një vajzë nëntë vjeçare mbeti viktimë pasi u shemb muri i shkollës. Një burrë i moshuar u vra gjithashtu nga një mur i rrëzuar ndërsa një tjetër e zuri shtëpia poshtë.
Tërmeti preku edhe qytetet e Kiotos, Nara, Hyogo dhe Shiga.
Agjencia meteorologjike paralajmëroi se tërmeti mund të pasohet nga dridhje të tjera më të mëdha në ditët në vijim.
Tërmeti goditi edhe disa zona kryesore industriale pranë Osakës mes tyre kompania Panasonic dhe Daihatsu, të cilat kanë pezulluar paraprakisht punën. /Opinion.al
