Spitalet në Shtetet e Bashkuara të Amerikës po kalojnë momente nga më të vështirat për shkak të krizës së koronavirusit teksa vendi numëron rreth 600 mijë të prekur.
Situata më kritike paraqitet në pavionet e terapisë intensive ku numri i lartë i viktimave ka shkaktuar ‘përmbytje’ të tyre.
Disa fotografi të shpërndara nga CNN tregojnë se në dhomat e stafit të urgjencës në Spitalin Sinai-Grace në Detroit, nuk ka më raste ku të vendosen trupat e viktimave nga koronavirusi kështu që personeli është detyruar t’i vendosë në tokë.
Dy punonjës të spitalit i kanë konfirmuar prestigjiozes amerikane se fotot janë portretizim i saktë i skenave të përditshme që po ndodhin në spital prej fillimit të muajit prill. Ata thanë për CNN se kjo ka ndodhur pasi morgu i spitalit të Detroid ishte plot dhe nuk kishte vend për të vendosur të tjera viktima.
Pas publikimit të fotografive, zëdhënësi i spitalit Brian Taylor i tha CNN se ata kanë qenë të detyruar pasi nuk kanë fonde për të siguruar konteiner frigoriferik. /Opinion.al
