Një fotograf australian ka kapur imazhe të dritave të rralla të quajtura sprites, ai ka fotografuar po ashtu disa pamje të veçanta të një “dushi” meteorësh – të gjitha në një natë të vetme. Ai fotografoi “rrufenë hapësinore” në Kiama, 120 km (75 milje) në jug të Sidneit.
“Sprites janë drita që shkaktohen nga rrufet e energjisë elektrike, mund të arrijnë atmosferën e sipërme të Tokës, shpesh duke u shfaqur si një dritë e shkëlqyer. Emri “Sprite” është huazuar nga ‘Ëndrra e një nate vere’, të Uilliam Shekspir. Unë kam qenë në kërkim të tyre për rreth 15 vjet. Nuk ma merrte mëndja nëse do mund t’i shihje ato në New South Wales”, tha fotografi David Finlay për BBC.
Finlay po përpiqej të xhironte dushin e meteoreve Lyrid dhe Aurora Australis në të njëjtën kohë, duke e fokusuar kamerën e tij në një stuhi rreth 120 km në det të hapur. Ku më vonë kuptoi se kishte fotografuar tjetër gjë.
Ishte hera e parë që z. Finlay ka parë imazhe të sprites në Australi duke përdorur një kamerë DSLR jashtë skeletit.
Dr Brett Carter, një fizikan nga Universiteti RMIT, tha se sprites arrijnë në ionosfere, një rajon i atmosferës së sipërme të Tokës. Historikisht vetëm pilotët kanë parë sprites dhe ka një arsye shumë të mirë për këtë. Ata janë kaq të dobët saqë është shumë e vështirë t’i shohësh me sy të lirë. Ai tha se fotografët mund të fillojnë të kenë një ndikim në kuptimin shkencor të mjedisit hapësinor pranë Tokës./opinion.al
