Autori që tentoi të grabiste një bankë të nivelit të dytë në Durrës, është Kreshnik Margjoni, 24 vjeç me origjinë nga Mirdita, banues në zonën e ish-Kënetës. Tentativa e grabitjes ndodhi sot rreth orës 11:00 tek stacioni i Trenit në Durrës. 24 vjeçari ka hyrë me thikë në dorë në bankë duke u bërë presion arkëtareve “më jepni lekët shpejt”. Reagimi i tyre ka qenë i shpejtë duke shtypur alarmin. Forca të shumta policie kanë mbërritur në vendngjarje dhe kanë arrestuar autorin.
Njoftimi i policisë:
Më datë 13.04.2018, rreth orës 11:10 në lagjen Nr.4 Durrës, në ambientet e një banke të nivelit të dytë, shtetasi K.M. 24 vjeç, banues në Durrës, ka tentuar të vjedhë me dhunë, nën kërcënimin e një thike një sasi parash.
Menjëherë në vendngjarje kanë shkuar Efektivët e Policisë, të cilët kanë bërë të mundur kapjen e autorit, sekuestrimin e thikës dhe të parave.
Shtetasi i mësipërm është shoqëruar në ambientet e Komisariatit të Policisë Durrës për kryerjen e veprimeve të mëtejshme procedurale në bashkëpunim me Prokurorinë e Rrethit Gjyqësor Durrës.
