Dalin pamjet e para nga grabitja në Fier, ku një person mbeti i vrarë dhe një tjetër u plagos. Ngjarja e rëndë ka ndodhur në lagjen “29 Nëntori” të këtij qyteti rreth orës 03:00 të ditës së sotme. Siç bën të ditur policia, persona të armatosur dhe me maska kanë tentuar të grabisin banesën e shtetasit Minella Muça. Policia pasi është njoftuar për grabitjen ka mbërritur në pallatin ku banonte familja Muça dhe është përballur me grabitësit. Ata kanë hapur zjarr ndaj uniformave blu, të cilët janë përgjigjur po me zjarr.
Gjatë luftës mes policisë dhe grabitësve, ka mbetur një person i vrarë dhe një tjetër është plagosur. Në asfalt ka mbetur pellgu i gjakut…
Policia ka ngritur postblloqe në të gjitha hyrje-daljet e qytetit dhe po vijon puna për kapjen e autorëve të tjerë. Dyshohet se kanë qenë gjithsej 4 grabitës, ku njëri mbeti i vrarë, tjetri i plagosur dhe 2 të tjerë kanë arritur të largohen. Personi që mbeti i plagosur është me inicialet E.M, 37 vjec dhe ndodhet në spitalin e Fierit. Emri i viktimës ende nuk bëhet i ditur.
/Opinion.al
Pamje nga vendi i ngjarjes
