Një operacion i madh po zhvillohet në skajin Verilindor të vendit. Mësohet se është zbuluar një laborator për prodhimin e heroinës në fshatin Brenog të Hasit. Lajmi bëhet i ditur nga burime jozyrtare të policisë.
Nga të dhënat paraprake thuhet se gjatë operacionit është gjetur dhe sekuestruar një sasi droge si dhe lëndë të tjera që shërbejnë për prodhimin e heroinës. Po ashtu burimet bënë të ditur se ka dhe disa persona të arrestuar, ndërsa operacioni vijon ende. Policia e shtetit nuk ka dhënë ende informacion zyrtar lidhur me këtë operacion.
Kjo është hera e parë që zbulohet një laborator i drogërave të forta në veri të vendit.
