Gentjan Ramani është personi që u plagos sot nga disa persona të paidentifikuar në zonën e Unazës së Re (Astiri) Tiranë. Ai është transportuar menjëherë në drejtim të spitalit të Traumës ku mësohet se ndodhet jashtë rrezikut për jetën.
Ka qenë një telefonatë e banorëve të zonës që ka sinjalizuar policinë se disa persona kanë qëlluar me armë drejt një të riu. Në vendin e ngjarjes kanë mbërritur forca të shumta policie.
Autorët besohet se kanë qëlluar nga një makinë që më pas u largua me shpejtësi. Ndërkohë që janë ngritur disa pika kontrolli në hyrje dhe dalje të Tiranës. Policia ka sekuestruar edhe kamerat e sigurisë të bizneseve përreth zonës. Siç shihet nga pamjet, ngjarja ka ndodhur në hyrje të lagjes, përballë bar “Univers”.
Informacion paraprak i Policisë së Tiranës
Më datë 16.11.2017, rreth orës 12.35, në Sallën Operative ka ardhur një telefonatë se në rrugën “Teodor Keko”, ndodhet një person i shtrirë në tokë.
Menjeherë në vendgjarje kanë mbërritur shërbimet e Policisë dhe Ambulanca ku nga veprimet paraprake ka rezultuar se:
Në rrugën “Teodor Keko” është gjendur i shtrirë në tokë shtetasi G.K, 22 vjeç, i cili dyshohet të jetë plagosur me armë zjarri.
Shtetasi i palgosur është dërguar në spital dhe ndodhet jashtë rrezikut për jetën.
Nga ana e Policisë eshte identifikuar autori dhe po punohet për kapjen e autorit dhe sqarimin e plotë të rrethanave të ngjarjes.
