Këto janë pamjet e para, filmuar me celular pak minuta pas aksidentit tragjik në autostradën Tiranë-Durrës, që mori 4 jetë. Siç shihet në pamje mungon totalisht ndriçimi në rrugë. Kjo mund të jetë bërë shkak shtesë për përplasjen fatale. Në video dëgjohen zëra që thonë se “kanë mbaruar të tërë”. Video është postuar nga portali NOA.
Aksidenti i rëndë ndodhi në orët e para të ditës së sotme, rreth orës 04:15 në Sukth. Dyshohet se drejtuesi i mjetit Benz, Dashnor Delialliasi nga Durrësi ecte në sensin e kundër. Ai është përplasur me automjetin tjetër tip Benz ku udhëtonin tre vajza, që sipas të afërmeve po shkonin në Greqi. Përplasja ka qenë fatale pasi mjetet kanë qenë të dyja me shpejtësi të lartë. Greta Sherifi, Izabela Gega dhe Elona Xhuti si dhe Dashnor Delialliasi humbën jetën në vend. Trupat e tyre janë nxjerrë nga policia.
