Një makinë brenda të cilës udhëtonin tre vetë përfundoi në kanal orëve të para të mëngjesit. Njeri nga ta humbi jetën në vend, kurse dy të tjerë u dërguan në spital në gjendje të rëndë. Aksidenti rrugor ndodhi në rrugën Fier-Roskovec në vendin e quajtur “Kthesa e Verbasit”.
Sipas policisë, viktima është Agron Shehaj 52 vjeç , kurse u plagosën Marsel Shametaj 25 vjeç dhe Elton Çobaj 26 vjeç. Sipas policisë në drejtimin e makinës ka qenë Elton Çobaj nga Patosi. Nga testi i alkoolit ka rezultuar se ai ishte në gjendje të dehur.
Nuk dihet nëse edhe dy personat e tjerë kane qenë në lokal gjatë natës me të, por bashkë po udhëtonin në drejtim të Beratit. Sapo kanë kaluar fshatin Verbas, drejtuesi nga shpejtësia ka humbur kontrollin dhe makina, përfundoi në kanal pasi ka bërë disa rrotullime. Grupi hetimor po punon për sqarimin e plotë të rrethanave të kësaj ngjarje.
