Pamjet e mëposhtme tregojnë momentet kur policia në Los Angeles shpëton pilotin e një avioni nga vdekja. Avioni bëri ulje emergjente në shinat e trenit të dielën pasdite rreth orës 14:00 pak pasi u ngrit nga zona e Pakoimës. Piloti kishte mbetur i plagosur rëndë pasi kishte ulur avionin.
Fatmirësisht policët mbërritën në kohë dhe arritën ta nxjerrin atë përpara se avioni tip Cesna të përplasej nga treni.
Në videon e postuar në Twitter nga autoritetet në Los Angeles shkruhej: “Oficerët e Divizionit Foothill shfaqën heroizëm dhe vepruan shpejtë duke i shpëtuar jetën një piloti që bëri një ulje emergjente në shinat hekurudhore në San Fernando Rd. dhe Osborne St, pak përpara se një tren që po afrohej të përplasej me avionin.”
Në pamje, shihet piloti i gjakosur që shpëtohet nga efektivët, në pamundësi për të ecur vetë për shkak të plagëve të marra.
Foothill Division Officers displayed heroism and quick action by saving the life of a pilot who made an emergency landing on the railroad tracks at San Fernando Rd. and Osborne St., just before an oncoming train collided with the aircraft. pic.twitter.com/DDxtGGIIMo
— LAPD HQ (@LAPDHQ) January 10, 2022
