Kaosi ka përfshirë Kabulin pasi presidenti i Afganistanit u largua nga vendi gjatë fundjavës ndërsa talebanët morën kontrollin e pallatit presidencial.
Teksa duket se kriza në Afganistan po intensifikohet, imazhet e publikuara nga Kabuli në mediat e huaja tregojnë pamje të trishta të afganëve në aeroport teksa përpiqen të largohen.
Në një foto që po bën xhiron e rrjetin shfaqet një moment i evakuimit të qindra afganëve përmes një avioni ushtarak amerikan.
Pentagoni tha se 6,000 trupa amerikane së shpejti do të jenë në kryeqytetin e vendit ndërsa do të evakuohen diplomatët dhe civilët nga Kabuli. Pavarësisht kritikave, administrata Biden po qëndron në vendimin e saj për të tërhequr trupat nga vendi deri më 31 gusht, duke i dhënë fund luftës më të gjatë të Amerikës./Opinion.al
