Dëshmitarët okularë e cilësojnë si një apokalips atë që ndodhi në Bejrut, pas dy shpërthimeve të fuqishme që ndodhën në port.
“Mund të shihni kudo njerëz të plagosur, xhama dhe makina të shkatërruara. Duket si një apokalips”, tha për CNN në telefon Becky Anderson.
Ndërkohë, një producent i CNN e përshkroi si kaotike atë çfarë po ndodh në spitalet e Bejrutit, ndërsa mjekët përpiqen të ndihmojnë duzina njerëzish të plagosur.
“Disa kanë këmbë të thyera, disa janë të prerë nga xhamat. Hyra aty dhe pashe njerëz të shtrirë në tokë dhe doktorët që përpiqeshin t’u vendosnin serume. Disa vdiqën,” tha Ghazi Balkiz.
Ende nuk dihen shkaqet e këtij shpërthimi, që deri në këto momente raportohet se u ka marr jetën 10 personave dhe ka shkaktuar qindra te plagosur./Opinion.al
