Aktorja e njohur Pamela Anderson ka folur në një intervistë për një temë që ka bashkuar femrat anë e mbanë botës vitin e fundit.
Ajo ka dalë kundër fushatës #MeToo, fushatë kjo e filluar nga femrat të cilat janë abuzuar seksualisht nga meshkujt.
Anderson ka thënë: “Mendoj se feminizmi mund të shkojë shumë larg. Unë jam feministe, por mendoj se kjo valë e feminizmit është një gjë e panevojshme. Mendoj se i paralizon meshkujt”.
Ndërsa për fushatën #MeToo, Pamela është shprehur: “Mendoj se kjo fushatë është diçka e tepërt. Më falni, ndoshta do të më vrasin që e thash këtë. Por, nëna ime më ka mësuar që vajzat nuk duhet të shkojnë në hotel me një të huaj. Nëse një mashkull ju hap derën dhe është vetëm në një robdeshambër, merrni edhe një person tjetër para se të hyni në dhomë”.
Kjo deklaratë e Anderson ka marrë shumë kritika sidomos nga femrat, kurse shumë e kanë përkrahur duke thënë se më në fund një femër po i tregon gjërat ashtu siç janë.
