Misioni i PAMECA-së në Shqipëri kritikon prokurorinë për disa procedime penale dhe arrestime të personave me rrezikshmëri të lartë kriminale si dhe për drejtuesit e lartë, siç ishte rasti i Haki Çakos.
Në raport, PAMECA kritikon prokurorinë për nisjen e hetimit për pajisjen e përgjimit e njohur si “IMSI Catcher” dhe pezullimin nga detyra të drejtorit të Policisë së Shtetit Haki Çako dhe dy vartësve të tij.
Në raport thuhet se ekspertët e PAMECA-s kanë arritur në konkluzione se çështja e procedimit dhe kërkesa e ndalimit të gjykatës për Drejtorin e Policisë dhe dy oficerëve të FSO dukeshin të bazuara në fakte. Ata thonë se prokuroria nuk kishte asnjë të dhënë që ajo pajisje kryen përgjime. “Vendimi i gjykatës ka ndikuar në hetimet e tjera që Forcat Speciale të Operacioneve kishin në hetim”, shkruhet në raport.
Ekspertët e PAMECA-s kanë kritikuar organin e akuzës edhe për rastin e procedimit penal dhe arrestimit të Emiljano Shullazit. Ata thonë se hetimet nuk janë kryer në mënyrë të thelluar nga prokuroria për arritur në një rezultat konkret.
Sipas tyre, faktet e përshkruara në vendimin e arresit janë të vakëta, të përgjithshme, pa ndonjë referencë për burimet e provave si për dëshmitarët apo përgjimet e kryera.
Në raport, ekspertët e PAMECA-s vënë në dukje edhe faktin se policia e shtetit është ankuar për mos përfshirjen e tyre në hetimin e çështjes nga prokuroria, që sipas tyre, vjen për shkak të ndjeshmërisë politike të cilat ende nuk janë të qarta.
Në raportin e ekspertëve të misonit policor në Shqipëri flitet edhe për hetimet ndaj Elvis Roshit. Vlerësimi, thonë ekspertët, tregoi se vendimi i Gjykatës nuk përfshin ndonjë arsyetim serioz lidhur me ekzistencën e njërës prej kushteve për masë parandaluese të nxjerra nga Gjykata ndaj Roshit.
Në përgjithsi, thuhet në raportin e PAMECA-së, vërehet një tendencë e sistemit të gjykatave për të miratuar çdo kërkese të Prokurorisë për zbatimin e masave të sigurisë për çështje sensitive.
Në këtë raport, PAMECA ka komentuar edhe dosjen e Arben Frrokut, vëllait të ish-deputetit të PS-së Mark Frroku. Në raport atë përshkruajnë kalvarin e proceseve gjyqësore deri në arrestimin e tij në Holandë për falsifikim të dokumenteve, duke shtuar se autopritet holandeze janë të interesuara të ekstradojnë Frrokun drejt Shqipërisë.
Pameca IV është një projekt i financuar nga BE, cili përmes ekspereincës së vendeve të BE ndihmon policinë shqiptare, kryesisht për përmirësimin e legjislacionit. Ky mision i ka zyrat pranë Ministrisë së Brendshme.
