Kryeministri Rama nuk ka pranuar të largohet nga salla për tu pastruar, pas incidentit ku deputeti demokrat Edi Paloka i ka hedhur bojë me anë të një shiringe.
Rama ka qëndruar në vendin e tij, ndërsa kryetari i Kuvendit Gramoz Ruçi ka kërkuar largimin e Palokës nga salla e Kuvendit.
Deputetët demokratë kanë rrethuar Palokën dhe nuk e kanë lënë të largohet.
Kryetari i Grupit të PD-së, Spaho i ka kërkuar Ruçit të dënojë Ramën për sjelljen e tij të pahijshme ndaj Bashës
“Prej disa javësh, Rama po bën një sjellje prej rrugaçi duke ofenduar zotin Paloka. Të njëjtën gjë bëri dhe me kryetarin e opozitës. Nëse nuk do dënoni kryeministrin, për sjelljet rrugaçërore, atëherë jeni ju përgjegjësit e kësaj gjendje të bërë këtu. Ju kërkoj të merrni masa ndaj Ramës, thirrje byronë dhe përjashtojeni.”
Në këto kushte duke parë që Paloka nuk largohet nga salla, Kryetari i Kuvendit Gramoz Ruçi, ka hedhur në votim ratifikimin e marrëveshjes së anëtarësimit të Maqedonisë së Veriut në Nato, që është miratuar me 130 vota pro dhe asnjë kundër. Dl
