Kreu i grupit parlamentar të PD, Edi Paloka përsëriti edhe një herë sot se opozita nuk do jetë në parlament pasi nuk është realizuar kërkesa e saj. Ai u pyet për tezën e hedhur nga Spartak Ngjela se Rama mund ta zëvendësojë PD në Parlament me PDIU dhe u shpreh se “ky do të ishte fundi! Do vertetonte atë që kemi kohë që e themi. Rama si një Putin i vogël kërkon të emërojë opozitën. Ky do të ishte fundi për të dhe për ata që ka rrotull”.
I pyetur për përgjegjësitë e Ilir Metës në këtë situatë politike, Paloka tha se kur flas për këtë qeveri flas për mazhorancën në tërësi. “LSI mund të bëjë deklarata kundër pjesës tjetër të qeverisë, por ama qeveria qëndron në këmbë me votat e LSI-së”, theksoi Paloka.
Deklarata bëhet në një ditë të rëndësishme, kur pritet të votohen në parlament komisionet e Vetingut.
