Deputeti i Partisë Demokratike, Edi Paloka, akuzoi presidentin e Kukësit, Safet Gjici, se ka blerë vota në favor të PS-së.
Nga studio e “Neës 24” Paloka tha se Gjici ka dalë në përgjimet e ndërkombëtarëve duke blerë vota në qarkun e Kukësit, duke iu referuar përgjimeve të dosjes ‘339’.
I mënjehershëm ka qenë edhe reagimi i Safet Gjicit, i cili nëpërmjet një postimi në faqen zyrtare në “Facebook” shkruan:
“Nëse shërbimet e huaja i ndakan informacionet me Edi Palokën, kjo botë paska marrë fund. Po ato që merren me tipa si Paloka nuk quhen shërbime inteligjente, por shërbime për budallejtë!
Megjithatë, për çdo njeri normal që mund të habitet akoma me këtë budalla kampion, sqaroj se ditën kur Kukësi nuk do ma japi votën me zemër unë s’do fus dorën në xhep.
Po do bëj valixhen e do iki. Se ndryshe nga thape thupja që rron kot dhe merr rrogën për të gjujt njerëzit me baltë a me bojë, unë rroj me punën time dhe s’e dua politikën për rrogë apo për kocka si ky budallai i Kuvendit.
Po shyqyr e mori vala e budallekut kolektiv edhe këtë dhe s’do i’a shohim më bojën në atë Parlament që e kishin kthyer në nevojtore.
Kurse Kukësin do ta shohim në qershor dhe thape thupes i them: hajde trim dhe tregoja kuksianëve Dothjen që ke për Safet Gjicin. Budalla!”, shkruan Safet Gjici./ Dl/ Opinion.al
