Partia Demokratike ka hedhur akuza ndaj ish-kryebashkiakut të Durrësit Vangjush Dakos, për të cilin tha se ka ofenduar kryetarin e degës së PD në Durrës, Ferdinand Xhaferri.
Në një dalje për mediat, Edi Paloka nënkryetar i Partisë Demokratike ka thënë se ngjarja ndodhi nё ambientet e Pallatit tё Sportit, ku numëroheshin votat e KZAZ 21 nё Durrёs.
Më tej, Paloka shprehet se Dako nuk ka hezituar asnjë moment të tregojë se ai ёshtё kryetari real i PS-së në zgjedhjet e Durrësit.
“Edi Rama ka bashkëpunuar dhe vazhdon tё bashkёpunojё hapur me pёrfaqёsues tё krimit. Vangjush Dako, njeriu mё i afёrt i Ramёs nё Durrёs, nё listёn e Departamentit Amerikan tё Shtetit si figura mё e korruptuar dhe e lidhur me krimin nё Shqipëri, provokoi dhe fyeu kryetarin e Partisё Demokratike nё Durrёs, Z. Ferdinand Xhaferri. Ngjarja ndodhi nё ambientet e Pallatit tё Sportit, ku numёroheshin votat e KZAZ 21 nё Durrёs. I shpallur non-grata nga SHBA, Dako nuk ka hezituar asnjё moment të tregojë se ai ёshtё kryetari real i PS-së në zgjedhjet e Durrёsit. Sot fryma e ndryshimit ёshtё mё e madhe se asnjёherё tjetёr. Ne jemi mё tё fortё dhe mё tё vendosur se kurrё dhe me vendosmёri ne do tё luftojmё çdo ditё pёr tё mbrojtur demokracinё dhe për të sjellë sё bashku njё tё ardhme mё tё mirё pёr vendin tonё. Ne do tё vazhdojmё tё luftojmё derisa demokracia tё fitojё”, thotë Paloka.
Incidenti ndodhi një ditë më parë, kur simpatizantët u përplasën dhe u desh ndërhyrja e policisë për t’i ndarë./Opinion.al
