Deputeti i Partisë Demokratike, Edi Paloka shprehet se Enkelejd Alibeaj nuk ka tagër të negociojë me PS për emrin e kandidatit për presidenti, pasi nuk përfaqëson grupin e PD.
Paloka theksoi në “Abc” njëherë se ata nuk do të votojnë për kandidatët e propozuar nga PS. Deputeti demokrat komentoi gjithashtu edhe deklaratat e kryeministrit Edi Rama në Kongresin e PS. Sipas tij, për herë Rama tregoi se kishte frikë nga opozita, ndrëkohë që i bëri thirrje SPAK-ut të hetojë Sali Berishën.
“Nuk na intereson, do të jetë presidenti i Ramës. Nuk mund të ndodhë që opozita të votojë kandidatët e Ramës. Dhe këta për fat të keq vazhdojnë me mashtrime, ku gjithçka është në dritë të dielli dhe thonë që nuk po diskutohet për presidentin. Grupi parlamentar duhet pyetur. Alibeaj nuk përfaqëson grupin, por moderon mbledhjen e grupit. Për ne grupi është një. Ai është moderator i grupit, nuk është përfaqësues. Ai nuk ka asnjë tagër në asnjë vend që të përfaqësojë grupin pa pyetur grupin. Ai deri më sot e ka mohuar në fakt një gjë të tillë, por kushdo që shikon kupton që këtu bëhet fjalë për negociata. Kur takohet ambasadorja. Deklarata e Ramës, që opozita duhet të shkojë në djall dhe duhet të kishte shkuar me kohë, është diçka që Rama e tha në mënyrën me ekspicide këtë herë, pro që ka tetë vite që e shpreh. Përpjekjet e tij kanë qenë shuarja e opozitës. Edhe fundit fare përçarja e PD ky qëllim ishte. Për herë të parë u tregua i sinqertë në publik. Gjëja tjetër sulmi ndaj SPAK. E para për të treguar se unë nuk e kontroll drejtësinë. Rama për herë të parë pas tetë vitesh tregoi frikë ndaj opozitës dhe kërkoi ndihëm e SPAK për ti hequr qafe opozitën. Bashën përpiqej ta ironizonte, ndërsa sot ai për herë të parë tregoi se kishte frikë nga opozita. I kërkoi ndihmë të hapur SPAK-ut ma hiq qafe këtë person. Ka frikë sepse ai nuk do të jetë në ato pozitat komode që ka qenë deri dje”, u shpreh Paloka.
Procedurat për të zgjedhur Presidentin
Brenda 24 majit duhet të nisë procedura në Parlament për të zgjedhur kreun e shtetit Propozimin e kandidatëve për president kanë të drejtë ta bëjnë 20 deputetë.
Zgjedhja e tij kalon në 5 raunde në Kuvend. Në 3 raundet e para kandidati duhet të marrë 3/5 e votave në Parlament, ose 84 vota. Ndërsa në dy raundet e fundit, për të zgjedhur Presidentin e ri mjaftojnë 71 vota të deputetëve.
Presidenti i Shqipërisë duhet të jetë mbi 40 vjeç. Duhet të jetë me shtetësi shqiptare që në lindje dhe duhet që në 10 vitet e fundit të ketë nuk duhet të ketë banuar jashtë vendit.
Mandati i presidentit është 5 vjeçar dhe pa të drejtë rizgjedhje. Në Kushtetutë parashikohen edhe rastet ekstreme. Nëse presidenti nuk zgjidhet as në raundin e pestë, Kuvendi shpërbëhet. Ndërsa i vetmi rast që mund t’i zgjasë mandatin Metës përtej 24 korrikut do të ishte shpallja e gjendjes së luftës.
