Nënkryetari i Partisë Demokratike Edi Paloka është shprehur se vendi do të shkojë në zgjedhje së bashku me kryeministrin Edi Rama.
Paloka është shprehur se data e 13 tetorit ka rënë, ndërsa thekson se pas kësaj date do të shkohet në zgjedhje parlamentare.
Gjatë një interviste televizive, ai thekson se opozita do të vijojë protestat si dhe për hapa të tjera politike.
“Ne do të vazhdojmë me protesta, sepse thashë protesta është mënyra e reagimit qytetar. Ne do të vazhdojmë e do përgatitemi edhe për hapa të tjera. Ne po përgatitemi, besoj se do shkojmë në zgjedhje. Për pak kohë do na duhet të shkojmë në zgjedhje. 13 tetori është i rënë. Do shkojmë në zgjedhje bashkë me Ramën. 13 tetori ishte një datë perfekte edhe për vetë Ramën, që di të kishte mundësi të zgjidhte kandidatë, por ai prapë procesin e shkatërroi. I vetmi që propozon datën është presidenti dhe nëse presidenti e ka gabim, këtë datë e hedh poshtë vetëm Gjykata Kushtetuese”, tha Paloka./ Opinion.al E.Xh.
