Zëvendësndihmës Sekretari Amerikan i Shtetit, Mathew Palmer është shprehur gjatë një interviste për “Zërin e Amerikës” se SHBA pret që zgjedhjet të zhvillohen më 30 qershor.
Datë kjo e cila mbështet nga mazhoranca në Shqipëri, pasi opozita ka vendosur të bojkotoj zgjedhjet ndërsa presidenti i Ilir Meta i shtyu zgjedhjet për në datën 13 tetor.
Lidhur me deklaratën e Palmer, Presidenca ka reaguar përmes zëdhënësit, Tedi Blushi, i cili nuk ka mbjatur një qëndrim për deklaratën e zyrtarit amerikan, por ka vlerësuar Eliot Engel, Kryetarin të Komisionit të Politikës së Jashtme të Kongresit Amerikan.
“Presidenti i Republikës Sh.T.Z Ilir Meta vlerëson deklaratën e përgjegjshme, të vëmendshme e njëkohësisht shqetësuese të Kryetarit të Komisionit të Politikës së Jashtme të Kongresit Amerikan, Eliot Engel, këtij miku të sprovuar të Shqipërisë, Kosovës dhe shqiptarëve, mbi situatën e vështirë politike në Shqipëri dhe mbi rëndësinë imediate të rivendosjes së dialogut dhe shtetit të së drejtës.
Presidenti i Republikës siguron Kryetarin e Komisionit të Jashtëm të Kongresit Amerikan, z.Eliot Engel dhe të gjithë miqtë e vërtetë të Shqipërisë në Shtetet e Bashkuara të Amerikës, se po bën dhe do të bëjë të gjitha përpjekjet që Shqipëria të mund të organizojë zgjedhje vendore gjithëpërfshirëse, demokratike, me standarde, të lira dhe të ndershme, ashtu siç e meriton një vend i NATO-s dhe një vend që dëshiron të bëhet anëtar i Bashkimit Europian”.
