Prokuroria e Tiranë ka nisur hetimet ndaj Këshillit të Rregullimit të Territorit (KRRTRSH) lidhur mbi lejen që ky Këshill ka dhënë pas godinës së institucionit të Presidencës së Republikës.
Akuza e ngritur ndaj KRRTRSH-së do të jetë “Shpërdorim detyre” për dhënie të paligjshme të lejes së ndërtimit.
Kallëzimi penal ka filluar në muajin dhjetor, ndërkohë që ndërtimi shumëkatësh është kontestuar gjatë nga grupe të ndryshme interesi.
Një nga kontestimet më të forta është se ndërtimi ngrihet në një zonë muzeale me një status të veçantë ligjor, ndërsa toka ku do të ndërtohej pallati ka probleme të rënda pronësie.
Aktualisht prona është në një proces të gjatë gjyqësor, që vazhdon prej shumë vitesh.
Toka është privatizuar me njohje dhe kthim prone në vitin 1995 të dy pronarë, më tej është shitur dhe ka kaluar në disa duar.
Sipas burimeve mediatike janë të paktën 25 familje që e pretendojnë ketë tokë, të cilët kanë hapur gjyq ndaj pronarëve që e morën në vitin 1995 dhe atyre që e blenë më vonë.
Ndërkohë që çështja është në Gjykatën e Lartë dhe nuk ka një vendim përfundimtar.
Lidhur me ndërtimin e këtij pallati ka pasur edhe një reagim nga Presidenca e Republikës, e cila e ka parë si cënim të sigurisë së institucioni praninë e një objekti të tillë pranë institucionit.
