Kryeministri i vendit Edi Rama në intervistën e parë televizive pasi mori mandatin e dytë qeverisës, akuzoi rëndë një gjyqtar, i cili sipas Ramës, ka ndikuar në katërfishimin e vlerës së shpronësimit që duhet të merrnin familjarët e kreut të PD-së, Lulzim Basha, që u prekën nga prishja e një pallati në Vlorë.
“Është e pavërtetë që kemi kompensuar pronarët e pallatit të prishur në Vlorë. Më vjen shumë keq që kazani mediatik prodhoi një tjetër broçkull e u përhap. E vërteta është krejt ndryshe. Kemi ndërmarrë një proces krejt normal shpronësimi, në kohën kur u zhvillua ajo zallamahia për prishjen e asaj godine. Shifra e dëmshpërblimit është kontestuar nga pala e dëmtuar. Kontestimi përfundoi në përfundoi në duart e një gjykatësi të njohur për vendime skandaloze të rritjes së çmimeve. Vendimi më ekzemplar që ka dhënë është ndalimi i prishjes së një pike karburanti mu në aksin e Lungomares në Vlorë. Unikale që të thotë një gjykatës nuk e prish dot biznesin për interes publik, a thua se ishte një rrënojë antike. Ky gjykatës e ka shumëfishuar, 4-fishuar vlerën e shpronësimit për godinën që më pyetët. Porçesi vazhdon është në gjykatën e lartë”,- tha Rama në Top Story.
