Analisti Frrok Çupi dhe deputeti ende në detyrë Lefter Maliqi kanë debatuar me tone të ashpra paraditen e sotme, teksa të dy ishin të ftuar në një emision politik.
Të ftuar në Top news, për të diskutuar për rezultatin e zgjedhjeve të 25 prillit ka qenë deputeti Lefter Maliqi, ai i cili në debat e sipër i ka thënë Frrok Çupit se ai ishte i shitur. Kjo nxiti menjëherë reagimin e ashpër të Çupit, i cili i tha: “S’mund të më thuash mua je i shitur, nuk ta lejoj edhe pse je polic.”
Biseda agravoi në ofendime nga më të ndryshmet. Frrok Çupi e ka ofenduar deputetin në detyrë, duke e quajtur”‘maskara dhe idiot”, ndërsa Lefter Maliqi iu kthye me të njëjtën gjuhë, duke e etiketuar si ‘pederast dhe palaço’.
Debati në studio
Maliqi: E para unë nuk mbete i habitur që një pjesë e mediave shërben pushtetit e të drejtë kanë sepse është ky interesi i madh, por që të krahasojmë Edi Ramën me Tony Blair Shqipërinë me Anglinë kjo…
Çupi: Shiko ti Lefter i dashur e krahasova unë, e krahasova unë dhe si shërbej askujt.
Maliqi: Frrok, që i shërben, i shërben, rri rehat
Çupi: Edhe pse je polic nuk të lë.
Maliqi: Kush është polic e di mirë, unë kam edhe shkollë edhe…
Çupi: Ore budalla, idiot, ore maskara.
Maliqi: Ka më rrugaç se ty, ka më palaço se ty, më fëlliqësirë se ty.
Çupi: Ore Maskara, unë nuk të lë o ndyrësirë, o pis, pis..
Maliqi: Pederast, palaço, mos më thuaj mua ashtu, qelbësirë, rrugaç, i blerë, i shitur.
Çupi: Maskara burrë (heq mikrofonin dhe largohet)
Maliqi: Të më thuash mua ti, që kam mbaruar Skënderbegas, shkollën e bashkuar, shkollën e policisë, kolegjin e lartë të Nato-s, master shkencor studime Evropiane me një karrierë të madhe që e prodhova dhe të më thuash ti për këto gjëra por kjo është turp.
